E-FAITH
Actio pro
anno qui dicetur
Annus Europaeus pro patrimonio industriali et
technico
MEMORANDUM
Collegia Europaea pro patrimonio
industriali,
- ratione habita commendationis
n° 2 cap. A-ii secundi conventus Ministrorum procurantium
patrimonium architectonicum (Illiberis, a.d. vii et vi Non.
Oct. 1985) in qua petitum est ut notio patrimonii ita dilataretur
ut etiam patrimonium technicum et industriale
complecteretur;
- ratione habita commendationis
n° 3, cap. A.a tertii conventus Ministrorum procurantium
patrimonium culturale (Melitae, a.d. xvi et xv Kal. Febr.
1992) in qua petitum est ut citius progrederetur dilatatio
notionis patrimonii includendis categoriis patrimonii parum vel
non protectis et definiendis strategicis specialibus et huic rei
aptis; item necessitatis augendi communitatum Europaearum
conscientiam momenti huius patrimonii (ita ut scriptum est in cap.
C.b eiusdem commendationis);
- ratione habita commendationis
n° 2 cap II.b conventus Europaei ministrorum procurantium
patrimonium culturale (Helsingoforsae, a. d. ii et pridie kal.
Iun. 1996) quae demonstrat strategica provehentia stabiles
peregrinationes culturales pretium posse addere multis bonis
culturalibus, in quibus patrimonium technicum et
industriale;
- ratione habita commendationis
n° R (90) 20 Societatis Ministrorum Consilii Europaei
institutae ad protegendum et conservandum patrimonium technicum et
industriale in Europa (Id. Sept. 1990) quae inter alia
necessitatem demonstrat amplificandi cum conscientiam magni
momenti huius patrimonii tum aestimationem eiusdem actionibus
populum compellantibus et peregrinationibus;
- ratione habita eximiae et
manifestae contributionis Europae ad provehendum societatis
modernae industrialis et technologicae incrementum;
- ratione habita magni momenti
patrimonii tam mobilis quam immobilis industrialis et technici
atque minarum innumerabilium ei impendentium et futurum eius in
discrimen committentium;
- commemorantia quid ponderis
Annus Europaeus pro patrimonio architectonico (1975) habuerit et
quid valeant actiones sicut Dies Monumentorum Patefactorum ad
provehendam conscientiam necessitatis patrimonii
conservandi:
Rogant Consilium Europaeum,
Unionem Europaeam, Civitates eius Foederatas et institutiones
internationales curam agentes studii, conservationis et maioris
aestimationis huius patrimonii
- ut actionem instituant ad
amplificandam apud homines et administrationes et institutiones
publicas et collegia extra gubernationes agentia conscientiam
necessitatis urgentis servandi patrimonium industriale et
technicum Europae et attribuendi ei locum debitum propter momentum
eius historicum et scientificum et intuitus ab eo propositos ad
intelligendum statum oeconomicum et socialem regionum
nostrarum
Collegia Europaea pro patrimonio
industriali ideo suadent
- ut actio pro Anno Europaeo pro
Patrimonio Industriali et Technico incipiatur.
Si collegium vestrum assensu suo
hoc memorandum comprobat, rogamus vos ut textum eius exscribatis in
charta epistulari ornata signo vestro et textum comprobatum vel a
praesidibus vestris vel a contione vestra, praeditum inscriptione
diei et subscriptum a vicario (-is) vestro (-is), remittatis ad
